Erum að vinna við að uppfæra Radarinn

Biðjumst velvirðingar ef tölur og texti stemma ekki á meðan.

Fjárfesting

Fjárfesting í fiskeldi

Í milljónum króna á föstu verðlagi 2019 miðað við vísitölu neysluverðs

Fjárfesting í fiskeldi hefur verið mjög mikil undanfarin ár. Sé tekið mið af síðustu 5 árum þá hefur hún aldrei verið meiri, að minnsta kosti ekki á síðustu 30 árum, eða eins langt aftur og tölur Hagstofunnar ná. Kemur það heim og saman við stóraukin umsvif greinarinnar og hefur framleiðsla og útflutningur aukist verulega. Samkvæmt bráðabirgðatölum Hagstofunnar nam nettó fjárfesting, það er fjárfesting að frádregnum seldum eignum, 2,7 milljörðum króna á árinu 2019. Þetta er nokkru minni fjárfesting en þrjú árin þar á undan, en engu að síður mikil í sögulegu samhengi. Þetta er samkvæmt fyrstu bráðabirgðatölum Hagstofunnar fyrir árið 2019 en þær geta hæglega breyst verulega við næstu útgáfu. Hvað sem því líður koma tölurnar heim og saman við stóraukin umsvif greinarinnar.

Skýring: Fjármunamyndun er fjárfesting að frádregnum seldum eignum. Tölur Hagstofunnar fyrir 2017 til 2019 eru bráðabirgðatölur.

Heimild: Hagstofa Íslands